الأخ سليم المحترم صاحب القناة،
تابعت أربع فيديوهات لك، وللأسف لم تذكر ولم تنسب فيها بيان الإمام المهدي ناصر محمد اليماني، خليفة الله على العالمين، أرواحنا له الفداء في سبيل الله وقربه وحبه ونعيم رضوانه.
كل اللي اتقال لك نصيحة خالصة لوجه الله، لا سخرية ولا تشفّي، أعوذ بالله إننا نشمت في حد أو نستهزئ بيه، لكننا متألمين من اللي حصل ومن أثره.
ومش من العلم ولا الأدب ولا التقوى إن حد يتجرأ يطعن في من يعلمه الله، ولا من الأخلاق إن من كان أنصاري يكمل في الطريق ده ويعمل فتنة.
الكلام ده نصيحة ليك بالمصري عشان تفهم، بعد ما اتقالت لك النصيحة بأكتر من لهجة وما اتعملش بيها.
ومن الآن، كفاية جدال… التزم بالبيان، وانسب الحق لأهله، واتبع النصيحة.
ونصيحه اخيره بالمصري كمان
نصيحة لله يا اخ سيد سليم، ومن باب الاخوة مش الخصومة.
ارجع لكلام ربنا وسيبك من التأويل اللي ملوش اصل، القرآن واضح ومحكم ومش محتاج ليّ ولا تدوير.
المعجزة كانت في خلق آدم وحواء وبس، وبعد كده ربنا سن ناموس ثابت للتكاثر، نطفة وعلقة ومضغة زي ما الكتاب قال، لا زيادة ولا نقصان.
انما اللي بتقوله عن استمرار المعجزات في الذرية او تفسير الخلق على غير ما جاء في القرآن، ده تعب للنفس ومش هيوصلك للحق.
والله يا اخي، الحق مش بالعند ولا بكتر الكلام، الحق انك توقف مع نفسك وقفة صدق وتسأل:
هل اللي بقوله ربنا قاله صريح ولا انا بفهمه على هوايا؟
خلي بالك، القرآن ما بيتفسرش بالعلم التجريبي ولا بالافتراضات، بيتفسر بالقرآن نفسه، واللي يسيب المحكم ويمشي ورا المتشابه يضيع.
دي نصيحة خالصة لله، ارجع للحق قبل ما يشتد الخصام، وربنا يهديك ويهدينا جميعا.
ارجع الى الله يا اخ سيد سليم، وارجع لقسم القرآن الكريم، وهتلاقي قسم الرقية الشرعية، استخدمها بصوت عالي وخش بيها على ربنا بقلبك قبل لسانك، الرقية اللي كتبها خليفة الله الإمام المهدي المنتظر ناصر محمد اليماني عليه الصلاة والسلام.
اقعد بين ايدين ربنا، وفضي قلبك، ومتقومش غير وهو راضي عنك، والله ما في الكلام ده لا تشفي ولا سخرية ولا شماتة، ده نصح خالص لوجه الله.
سيبك من الظن، واللي في القلب من شك او لَبس، وربنا شاهد ان باب التوبة والرجوع مفتوح، والحق عمره ما كان بعيد عن اللي بيطلبه بصدق.
ولو انت قريب، كنا رحنا فوج من الانصار وقعدنا نقرا عليك ونقف جنبك اخوة في الله، ولو بعيد شوف لك شيخ يقرأ عليك حيث انت، حتى لو في ماليزيا، المهم ترجع لربنا بقلب سليم.
وانت مرحب بيك بين الانصار، اخ قبل كل شيء، ومكانك محفوظ لو رجعت للحق، وربنا يهديك ويهدينا جميعا.
وسلام على المرسلين والحمدلله رب العالمين
فمرحبا بك احد صحابي مصر وعلى كل الانصار المكرمين في مصر التي تسقط الكلمات لتعبير عن حبهم في الله وكل الأنصار السابقين الأخيار في عصر الحوار من قبل الظهور واعلى درجه منهم في كتاب الله قوم يحبهم الله ويحبونه
